蔡一傑罕談患癌媽媽過身經歷 崩潰：我好似一個活死人

蔡一傑早前接受陳敏之YouTube頻道節目《chi chat》訪問，兩人的相識，原來是因為伍詠薇，傑仔表示：「喺伍詠薇生日會見到你，一齊食嘢；我識你，你都識我，但係大家冇一齊合作過。」

同場加映：吳幸美天不怕地不怕成正義Icon 孝順女憶喪父灑淚：佢以我為榮

{{hket:ul-video id="4741"}}{{/hket:ul-video}}

{{hket:inline-image name="7.JPG"}}{{/hket:inline-image}}

{{hket:inline-image name="25024846_211431636068968_3539921563010727936_n.jpg"}}{{/hket:inline-image}}

回想起昔日，傑仔指入行後的第9年至第10年，當時經常台灣、星馬和香港三地跑，後來又要拍TVB劇，指當年與張智霖合作拍攝《沖天小子》（1992年），試過連續14日不眠不休，只飲雞精來補充體力，嚇得也曾試過連續3日沒有休息的陳敏之忍不住掩面說：「你講真定講假㗎？」

撞正8號風球｜蔡一傑生蛇錯怪按摩技師「嗱喳」 兩日蔓延上半身：真係痛到命都冇【下一頁】

1992年，傑仔除了拍劇外，在那年共推出了4張唱片，加上媽媽因癌症而住院，既要工作，又要趁空檔去醫院探望媽媽，傑仔直言當時最累、最辛苦，他說：「我好似只有一個軀殼遊走，冇思想，總之你就要去做啦！維持咗幾年，突然有一日，醫院打嚟，我阿媽要走喇……我梗係即刻飛出去啦，趕到去醫院，我望住媽咪瞓喺張床度，覺得佢好似瞓緊覺之嘛……其實我個腦仲係實晒、麻晒，因為我冇真正休息過，結果我喺門口度企咗3個鐘，我摸佢，佢仲係有啲暖，瞓得好好，直到3個鐘頭之後，突然有位阿姐喺門口度話『你哋出去先！我哋要幫先人打包』，嗰吓我就崩潰，喺病房入面癲咗！冇辦法，嗰刻只係好crazy咁喊。」

傑仔指公司當時只給兩天假期去處理媽媽的身後事，續說：「兩日，我點處理？又要攞死亡證，仲有好多嘢要處理……處理自己嘅思緒，跟住兩日後返去拍廠，拍一場好開心嘅戲，我問可唔可以唔拍住？因為我笑唔出，佢哋話個廠景聽日要拆，所以冇辦法……」勉強調理過自己的情緒後，這場戲，一take過完成，導演嗌cut，傑仔立即跑去角落位痛哭，他說：「我好似一個活死人，好似公仔咁做戲，大家喺鏡頭見到我好開心，其實我哋嘅生活，係冇機會畀我哋去沉澱，或者思考我哋本身做緊乜嘢！」

梅艷芳逝世16年眾星發文悼念 愛徒蔡一傑：常常在夢裏見到你【下一頁】

{{hket:inline-image name="9.jpg"}}{{/hket:inline-image}}

{{hket:inline-image name="8.jpg"}}{{/hket:inline-image}}

講到另一人生中的重要人物，當然是梅艷芳（梅姐），草蜢在1985年參加《新秀歌唱大賽》，雖然落敗，但一日收到梅姐公司的電話，原來是想邀請草蜢擔任其演唱會嘉賓，傑仔說：「開展咗我哋嘅日子，排舞、食飯、玩……總之離唔開佢，我又冇跳舞、唱歌經驗，佢搵我去紅館做表演嘉賓喎，當時我好興奮，因為我好有表演慾，全場都唔知呢3個（草蜢）係乜嘢人。」1986年開始梅姐擔任草蜢的經理人，她對草蜢的愛錫不能以筆墨言喻，一切都是用心良苦；傑仔指當年梅姐擔心他們簽約華星後，雙方同屬一間公司會被人指指點點，於是決定促成草蜢與寶麗金簽約，好讓他們獨立，而不會遭人閒言閒語指是「袑腳仔」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}